Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

poćić so kaž Malešečanski ‹Maleščanski, Malešanski› pop (na klětce) [něchtó so poći kaž Malešečanski ‹Maleščanski, Malešanski› pop (na klětce)]
`so jara poćić´ | `sehr stark schwitzen´ vor Schweiß triefen; schwitzen wie ein Schwein

Wörterbuchbelege

poći so kaž Maleščanski pop na klětce (Radyserb, Přisłowa 251); poćić so kaž Maleščanski pop (Radyserb, Hrona 82)

přikłady z literatury

Čehodla so při dźěle poćić kaž Malešečanski pop, hdyž je hižo najmjeńši handl wužitniši dyžli dźěło, ćežke roboćanske dźěło. (Jurk, Wjes 159) Druhdy sadu započa, ju njeskónči a poćeše so kaž Malešanski pop na klětce. (Wjela, Wučer 107) Na juhu móžeš w žnjencu činić jenož tole: Začiniš wokeńcu, zawrješ kruće wokno [...] lehnješ so na łožo a spytaš přespać najhorcyše hodźiny. Tak dwě hodźinje do chowanja słónca móžeš hižo so zwěrić na wuprawu. Poćić budźeš so tež tehdy hišće kaž Malešanski pop, byrnjež chodźił w cholowach a ćeńkej košli. (Nowak-Njechorński, Wardar 145)

wróćo